Përfundon numërimi i 56 kutive të para për kryetar të Bashkisë së Kavajës. Mësohet se deri në këto momente kryeson kandidati i Partisë Socialiste Dorjan Murati.
Nga rezultatet paraprake bëhet me dije se PS me Dorjan Muratin ka marrë 7301 vota, PD me Isa Sakjan ka arritur të marrë 7199 vota dhe LSI- me Maksim Konën ka marrë 1244 vota.
Procesi i numërimit të votave për Kavajën ende nuk ka përfunduar.
Gjithashtu, deri në këto momente nuk është shënuar asnjë incident nga përfaqësuesit e 3 partive.
