Sipas Lëvizjes Socialiste për Integrim, raporti i antimafias italiane për hashashin konfirmoi deklaratat e opozitës për gjendjen e trafikut të drogës në vend. Në takimin me strukturat vendore të partisë në Gjirokastër, Kryemadhi u shpreh se Shqipëria është i vetmi vend ish-komunist që vijon të mbetet në tranzicion.
“Kemi një qeveri që përfaqëson 4 familjet mafioze siç e ka thënë dhe ambasadori LU. Përfaqëson katër drupe klanekriminale siç e thanë ndërkombëtarët. Fjalët e LSI-së u vërtetuan në raporti që sollën Antimafja Italiane për ish-ministrin e Brendshëm për përfshirjen e tij në trafik droge është një gjë shumë e rëndë. Shqipëria është një vend i vogël, jo për faj të shqiptarëve por për faj të politikës.
Shqiptarët ja kanë dhënë disa herë mundësinë Edi Ramës. Ja dhanë disa herë si kryetar bashkie, ja dhanë në 2013 bashkë me LSI-në për të qenë kryeministër dhe në 2017 me paratë e drogës. Por politika nuk ua dha asnjëherë mundësinë shqiptarëve, ndaj është koha që t’u japim mundësinë shqiptarëve për t’u shkëputur nga ky tranzicion. Rruga në të cilën na ka futur qeveria e rilindjes është duke na çuar drejt një humnere pa shpresa”, deklaroi ajo.
