Administratori i Flamurtarit, Sinan Idrizi pas ndeshjes me Vllazninë u shfaq mjaft i tensionuar me arbitrat e takimit. Ai u shpreh se arbitrimi ishte i dobët dhe kishte ndikuar në rezultatin e takimit, por shkoi më larg duke u shprehur se gjyqtari i dytë ka sharë me libër shtëpia pankinën e Flamurtarit, bashkë me stafin teknik.
Ka pasur shumë tension edhe gjatë lojës, por edhe në përfundim të saj. Çfarë ndodhi, nëse mund të na i shpjegoni?
“Kam zbritur në stolin e skuadrës, pasi Behari u largua me karton të kuq dhe pashë që lojtarët e Flamurtarit po shaheshin me libër shtëpie nga arbitri i dytë, duke u treguar një bastard i vërtetë. Nuk merrem me vendimmarrje, por nuk mund të tolerojmë të shajnë lojtarët dhe stafin e skuadrës”, deklaroi ai në një intervistë të dhënë për SuperSport.
Kreu i Flamurtarit tha se do të bëjë një padi në polici për këtë rast. “Të njëjtat fyerje vijuan edhe ndaj meje, ndaj unë tani do të bëj edhe një kallëzim në policinë e shtetit”, vijoi ai. “Ne jemi munduar ta amortizojmë këtë problem dhe pranojmë fajin tonë. Ne jemi përpjekur të jemi civilë dhe marrim pjesë në këtë garë, por kur vijnë e na përdhunojnë me libër shtëpie, kuptojmë që kemi gabuar shumë”, shtoi më tej ai.
