Cilësohet si një ndeshje derbi lokal dhe si e tillë rivaliteti është mjaft i ashpër. Gjysmëfinalja e Kupës së Azisë mes Emirateve të Bashkuara Arabe dhe Katarit ka pasur goxha trazira.
Mijëra tifozë vendas kanë mbushur stadiumin Zayed në Abu Dhabi për të parë skuadrën e tyre ndaj rivalëve lokalë. Megjithatë, ata kanë dalë të zhgënjyer teksa panë Katarin të shkatërrojë ekipin e tyre 4-0.
Foot: la nouvelle guerre du Golfe avec le match entre les 2 ennemis Qatar-Émirats aux Émirats où les supporters qatariens étaient indésirables. Jets de chaussures en plus. pic.twitter.com/2jFNytMR8K
— Georges Malbrunot (@Malbrunot) January 29, 2019
Tifozët nuk e kanë duruar pamjen e lojtarëve kundërshtarë që gëzoheshin për fitoren përpara syve të tyre dhe nuk e mbajtën veten.
Dhjetëra sandale janë hedhur në fushë dhe në foton më poshtë shihet portieri i Katarit duke mbledhur disa prej tyre.
Të hedhësh këpucën drejt dikujt shihet si një ofendim i madh në botën arabe. Këpuca konsiderohet e pisët dhe është e lidhur me këmbën, pjesën më të ulët të trupit. Katari do të ndeshet me Japoninë në finalen e madhe.
