Para dy ditësh bëri bujë lajmi se një nga prokurorët e Këshillit të Lartë të Prokurorisë, Bujar Sheshi kishte qenë pjesë e Sigurimit të Shtetit me detyrë hetues dhe spiun në rini, me pseudonimin “Venusi”.
Autoriteti i Informimit mbi Dokumentet e Ish-Sigurimit të Shtetit konfirmoi se “Bujar Sheshi ka qenë hetues në Sektorin e Hetuesisë së Degëve të Punëve të Brendshme në Fier, që nga viti 1979, që do të thotë se figuron në materialet e ish Sigurimit të Shtetit”.
Por, në një reagim në Facebook, historiani Kastriot Dervishi shkruan se bazuar tek të dhënat, ka një mospërputhje identitetesh.
“Teorikisht ekziston mundësia e ndonjë personi tjetër me mbiemrin “Shesha” që mund të ketë vdekur p.sh. para disa vitesh. Për këtë arsye nuk dilet kurrë në përfundime të tilla. (Në vitin 1996 ka ndodhur një rast krejt i ngjashëm me gjeneralitete të ngatërruara. Gjykata provoi se nuk ishte personi i duhur ai që akuzohej)”, shkruan ndër të tjera historiani, ndërsa akuzon Autoritetin e Dosjeve se ka interpretuar dhe aluduar ndërsa sugjeron se ky autoritet “do duhej të shihte origjinalin e regjistrit e agjenturës së Drejtorisë së Punëve të Brendshme të Tiranës, numrin e dosjes së informatorit, si dhe dy të dhëna të tjera shumë të rëndësishme dhe përfundimtare”.
Postimi i plotë i Dervishit:
