Komisioni i Ankesave dhe Sanksioneve (KAS), ka rrëzuar kërkesën e Partisë Demorkatike dhe Lëvizjes Socialiste për Integrim, për të ripërsëritur zgjedhjet në qarkun e Beratit.
“Vendimi është i ndërmjetëm pasi do të jetë pjesë e vendimit përfundimtar për kërkesën për rinumërim të votave për qarkun Berat”, bëri me dije KAS gjatë mbledhjes së sotme.
Ndërkohë,KAS ka rrëzuar me shumicë votash ankimimet e PD, LSI dhe kandidatit të pavarur Kreshnik Merxhani, lidhur me parregullsitë e pretenduara prej tyre gjatë dhe pas votimit, në zgjedhjet e 25 prillit, për qarkun e Gjirokastrës.
Ditën e nesërme, KAS do të marrë vendimin në lidhje me kërkesën e Lëvizjes Socialiste për Integrim, për rinumërim të votave në këtë qark.
