Përfaqësuesi ligjor i Partisë Demorkatike në KQZ, Marash Logu ka reaguar pas refuzimit të KAS, për të marrë prova shtesë në Durrës dhe Shkodër, pas ankimimeve për zgjedhjet e 25 prillit.
Logu u shpreh se KAS refuzoi të bëjë transparencë për vjedhjen e mandateve në Durrës dhe Shkodër, ku sipas tij, në këto qarqe vota u ble për 100-300 euro.
Ndër të tjera, Logu deklaroi se KAS kishte sot dy justifikime qesharake për të refuzuar marrjen e provave të kërkuara nga PD në institucione.
Postimi i Logut në rrjetin social, Facebook
Noterët e masakrës zgjedhore në KAS refuzuan sërish të bëjnë transparencë për vjedhjen e mandateve në Durrës dhe Shkodër nga Rama-Doshi. 97 herë në 5 seanca publike, shumica në KAS i është bindur urdhrave politikë të Edi Ramës, Engjëll Agaçit, Damian Gjiknurit dhe Taulant Ballës, me të cilët komunikojnë përpara çdo vendimi për të fshehur krimin elektoral.
Vendimet e tyre janë politike, të pabazuara në ligj. Sot kishin 2 justifikime qesharake për të refuzusr marrjen e provave të kërkuara nga PD në institucione.
- “PD nuk ka kryer përpjekje për t’i marrë vetë këto prova”. Gënjeshtër! PD ka depozituar 100 kërkesa për informacion tek institucionet publike, por akoma nuk ka asnjë përgjigje prej tyre.
- “Informacionet që kërkon PD nuk përbëjnë provë për rrëzimin e zgjedhjeve”. Gënjeshrër! Neni 137 i Kodit Zgjedhor përcakton qartë se informacionet zyrtare nga organet publike përbëjnë prova.
Noterët e masakrës zgjedhore duan të mbulojnë faktin se në Durrës apo Shkodër, vota u ble nga 100-300 euro për t’i siguruar pushtetin aleancës Rama-Doshi. Ata mund të ndalojnë sot të vërtetën, por s’mund ta mbulojnë përgjithmonë.
