Në një shkrese të organeve të Punëve të Brendshme të kohës vjen një aludim absurd që tregon se armiqtë imagjinarë krijoheshin nga “ajri” për çdo gjë. Kastriot Dervishi sjell këtë shkresë bashkë me komentin:
“Marrëzitë e shtetit komunist nuk kanë pasur të sosur. Është i njohur fakti se ata kanë qenë gjithnjë shkatarraqë e nuk kanë ditur asnjëherë të bëjnë shtet.
Sjell sot një dokument të vitit 1982. Në Librazhd, në qershorin e këtij viti ishte hasur një sasi karkalecash. Mirëpo, çfarë thoshin organet e punëve të brendshme? Ata mendonin se këto i sillte armiku nëpërmjet kamionëve që vinin për qëllime tregtare, me qëllim që të dobësonte bujqësinë socialiste. Një dreq e di se si kalonin doganën brenda kamionëve pa u vënë re tufat e karkalecave dhe për çfarë qëllimesh “armiku” imagjinar i kishte sjellë ato për të dëmtuar gërxhet e Librazhdit”.
Si kjo shkresë gjenden edhe shumë dëshmi se si armiku sabotator shikohej ngado përfshirë edhe karkalecat.
