Ish-portieri i Liverpool, Loris Karius e ka nisur shumë keq aventurën e tij të re në Turqi me Besiktas. Gjermani pas gafave fatale në finalen e Champions League përballë Real Madridit duket se akoma nuk e ka marrë veten, pavarësisht se pati mbështetje maksimale nga drejtuesit e “The Reds”, por edhe nga ata të ekipit të ri turk.
Portieri 25-vjeçar është aktivizuar në ndeshjen e parë me klubin turk përballë Bursasporit dhe është bërë protagonist me një gafë që ka sjellë edhe barazimin e këtij takimi. Ishte nja aksion ku mbrojtja u kap e papërgatitur, por specialistët e futbollit e kanë vlerësuar si shumë të gabuar edhe daljen e portierit Karius në atë aksion.
Loris Karius duket se është i destinuar që në futboll të bëjë gabime të njëpasnjëshme. Portieri gjerman edhe pse u mbështet maksimalisht nga drejtuesit e klubit të Liverpulit, në fund ata vendosën ta largonin në drejtim të skuadrës së Beshiktashit. Ndërkohë menjëherë kanë qenë edhe ironitë në lidhje me portierin teksa një përdorues i “Twitter-it” shkruan “Karius më mirë të bëhet një model ose një profesion tjetër.”
