Zbulohen urdhrat e parë të Sandër Lleshit, një ditë pas marrjes së detyrës si zëvendës ministër i Brendshëm. Gjenerali, ashtu siç pritej, ka treguar karakterin e tij prej ushtaraku, teksa ka dhënë urdhrat e parë për vartësit dhe punonjësit e Ministrisë së Brendshme.
Mësohet se Lleshi ka dhënë urdhër të brendshëm që ndalon rreptësisht frekuentimin e kafeneve, restoranteve apo njësive tregtare e çdo mjedis publik, jashtë vendndodhjes për arsye pune. Tolerim do të ketë vetëm në raste festash apo fatkeqësish familjare dhe kjo vetëm me lejen e eprorit.
BalkanWeb raporton se të njëjtën gjë i ka kërkuar Drejtorit të Përgjithshëm të Policisë së Shtetit për uniformat blu.
