Kthjellime dhe vranësira të shpeshta dominojnë motin në të gjithë territorin ndërsa reshje të pakta shiu e dëbore pritet të bien në zona të izoluara.
Pjesa e dytë e ditës vijon me kthjellime të shkurtra dhe vranësira të shpeshta në territor përjashtuar ekstremet Verilindje-Juglindje ku do të ketë reshje të përkohshme dëbore.
Sipas MeteoAlb, mbrëmja dhe orët e natës dominohen nga kthjellime dhe vranësira kalimtare në të gjithë Shqipërinë.
Temperaturat e ajrit do të pësojnë një rënie me 1 – 2°C gjatë mëngjesit por orët e mesditës do të ruajnë vlera termike thuajse konstante.
Era do të fryjë e lehtë deri mesatare, me shpejtësi 27 km/h nga drejtimi Veriperëndimor duke bërë që në det dallgëzimi të mbetet 2 ballë.
