Pas sekuestrimit të 613 kg kokainë në Portin e Durrësit, menjëherë janë intensifikuar hetimet. Por duket se e dhe ekspertët amerikanë kanë zbarkuar në Shqipëria dhe po ndjekin rastin në fjalë.
Prokuroria e Krimeve të Rënda dy ditë më parë ka nisur tre letër porosi për kompaninë “Arbri Garden” duke kërkuar informacione për aktivitetin e saj tregtar.
Pronari i kompanisë aktualisht ndodhet në Gjermani, por ai ka deklaruar se nuk ka asnjë informacion për sasinë e drogës. Ai deklaroi se është i gatshëm të bashkëpunojë më drejtësinë sapo të kthehet nga Gjermania.
Pas sekuestrimit të 613 kg kokainë në Durrës pak ditë më parë, në portin më të madh në Shqipëri kanë zbarkuar ekspertët e DEA-s amerikane. Report Tv ka siguruar pamjet e makinës së agjentëve të DEA-s në portin e Durrësit para dy ditësh. Qëllimi i mbërritjes ishte verifikimi i procedurave të lidhura me sekuestrimin e 613 kg kokaine. Agjentët janë të Byrosë së Athinës që mbulon edhe vendet e tjera të Ballkanit.
Ekspertët janë takuar me strukturat policore dhe doganore. Agjentët e DEA-s kanë kontrolluar mënyrën e procedimit të agjencive në portin e Durrësit në lidhje me hetimin e kokainës. Pritet që agjentët të kontrollojnë edhe kokainën që u sekuestrua.
Sipas burimeve të portit, nuk është hera e parë që Agjentët e DEA-s kanë qenë në portin e Durrësit dhe në Tiranë. Ata kanë ardhur në rastet kur janë kapur sasi drogash të forta dhe kanë qenë gjithmonë nën shoqërinë e prokurorëve të krimeve të rënda dhe hetimit doganor. Sasia rekord prej 613 kg kokainë e nisur nga Kolumbia u bllokua në Durrës të martën e kaluar.
