Diferencat mes Barcelonës dhe Real Madrid ishin ekstreme në “El Clasicon” që u zhvillua sot, katalanasit turpëruan blaugranët me rezultatin e thellë 5-1. Nuk ndodhte prej 8 vitesh që madrilenët të pësonin 5 gola nga Barcelona.
Pas mbylljes së ndeshjes në shifrat 5-1 në favor të Barcelonës, kapiteni i Realit, Sergio Ramos, është shprehur i irrituar, ndërsa nuk ka kursyer as trajnerin Julien Lopetegui. Ai i dërgoi një mesazh të qartë trajnerit, ku theksoi se respekti fitohet dhe nuk imponohet.
“Këto janë vendime që nuk i bëjmë ne, do të jemi në krah të trajnerit. Respekti fitohet, nuk imponohet, ka trajnerë me të cilët kemi fituar tituj, nganjëherë menaxhimi i lojtarëve është më i rëndësishëm se njohuritë teknike. Nuk është dita për të folu për njerëzit që do të qëndrojnë ose do të largohen. Duhet të bëni vetëkritikë”, u shpreh Sergio Ramos.
