Tefik Osmani është një personazh unik, ndër të paktët futbollistë në Superiore që nuk ka frikë t’i thotë gjërat troç, nga kritikat ndaj presidentëve deri tek ngacmimet me lojtarë kundërshtarë, ndërkohë që edhe kur flitet për probleme financiare në futboll nuk është se ia përton shumë.
Mbrojtësi i njohur është duke zhvilluar një sezon të madh me Teutën, që po ëndërron një vend në kupat e Evropës, por ndërkohë korçari gjen kohë të shkojë edhe në protestat masive të studentëve në Tiranë.
33-vjeçari është gjithnjë i vëmendshëm ndaj zhvillimeve politike dhe shpesh ka komentuar, herë me seriozitet e herë me ironi, në lidhje me ngjarjet në vend, ndërsa këtë radhë ka postuar një video ku shfaqet krah studentëve, ndërsa ka edhe një mesazh: “Forca më e madhe e Shqipërisë (Ia vlen të mos shkosh në stërvitje dhe t’iu mbështetësh)”.
