Pasioni për futbollin është i lindur dhe këtë e vërteton ky djalosh i vogël që është kapiten i ekipit ë të rinjve të Newells Old Boys. Skuadra e tij është para një ndeshje mjaft të rëndësishme ku do të shpallet kampion nëse fiton, por fjalimi që mbaj ky djalosh të bën të kuptosh se pse është pikërisht ai kapiteni.
“Sot kemi një ndeshje e cila i vë kapakun të gjithë asaj që kemi bërë këtë vit. Kujtoni atë ditë qe u takuam për herë të parë, kujtoni të gjitha seancat stërvitore, gjithë ato herë që u larguam nga fusha të rraskapitur! Sot do të shpërblehemi! Sot do ta shpërblejmë veten me fitore! Sot do të largohemi si kampionë! Sot do të japim gjithçka kemi në fushë! Dua të përqafojmë njëri-tjetrin pas kësaj! Pavarësisht rezultatit ne duhet të japim gjithçka nga vetja për këtë fanellë sepse është fanella më e ‘rëndë’. Gati djema!”
Newells Old Boys është skuadër argjentinase me bazë në Rozario e cila merr pjesë në kampionatin elitar të këtij vendi. Ndërsa video në fjalë ka bërë shumë bujë në rrjetet sociale.
