Një piton gjigant është kapur së fundmi në Florida. Leondardo Sanchez, i cili e quan veten “Mbreti i pitonëve”, gjatë fundjavave është gjithnjë në kërkim të pitonëve.
Këtë javë, ai bëri bujë në rrjetet sociale, pasi kapi një piton gjigant, me një gjatësi prej 4.5 metra dhe që peshonte 65 kg.
Interesant është rrëfimi i Sanchez dhe i mikut të tij, Banos, të cilët u shprehën se për ta kapja e pitonit ishte një sfidë. Ata e kishin pikasur atë, teksa rrëshqiste përmes një pjerrësire.
“Nuk kisha kohë për t’ia kërkuar kokën, kështu që e kapa nga bishti”, tha Sanchez.
Ndërsa Banos u shpreh se kishte dashur ta mbyste gjarprin, në mënyrë që mos të kishte rrezik nga ai, por për Sanchez ai duhej kapur i gjallë, ndryshe kjo “do të thoshte humbje”.
“Njerëzit mendojnë se gjarpërinjtë lëvizin ngadalë, por jo, ata vrapojnë”, shtoi Sanchez.
