Astrit Patozi e Jozefina Topalli kanë qënë ndër zërat që kanë dalë kundër publikisht ndaj qeverisjes së PD nga kreu i saj, Lulzim Basha. Duke përfituar nga çdo nismë që ka ndërmarrë kryedemokrati, Patozi e Topalli nuk kanë nguruar ta vënë me “shpatulla pas murit”. Por qëndrimet e Patozit në rrjetet sociale shpesh janë kritikuar nga një masë e gjerë e qytetarëve, të cilët nuk janë në të njëjtën linjë me të.
Kujtojmë këtu se më herët, me Jozefina Topallin, Ridvan Boden, Majlinda Bregun, Genc Rulin, u bënë bashkë për të sulmuar Lulzim Bashën, për mënyrën e drejtimit të Partisë Demokratike.
Me propozim të Edi Ramës, Ridvan Bode arriti të sigurojë një mandat si anëtar i Këshillit Mbikëqyrës të Bankës së Shqipëri, Majlinda Bregu me mbështetjen e qeverisë u zgjodh Sekretare e Përgjithshme e Këshillit të Bashkëpunimit Rajonal.
Por sot, Astrit Patozi është kapur “mat” në një nga lokalet e kryeqytetit. Ai është parë me një nga eksponentët kryesorë të Partisë Socialiste, Ilir Beqaj, e njëkohësisht një nga figurat më të sulmuara të PD. Në shoqërinë e tij ishte dhe gazetari Mero Baze.
