Blutë e Fierit kanë arrestuar katër shtetas, pasi akuzohen për një sërë vjedhjesh. Mes këtyre grabitësve, të gjithë banues në Vlorë, është përfshirë edhe një femër. Hajdutët të moshës 21-24 vjeç, në bashkëpunim me njëri-tjetrin kryenin vjedhje banesash me thyerje në qytetin e Fierit.
Nga Specialistët për Hetimin e Krimeve në Komisariatin e Policisë Fier, u bë i mundur arrestimi në flagrancë i shtetasve:
1.Emanuel Doda, 23 vjeç, banues në Vlorë.
2.Lediona Preçi, 21 vjeçe, banuese në Vlorë.
3.Bledar Skënderaj, 24 vjeç, banues në Vlorë.
4.Klaustin Zeneli, 22 vjeç, banues në Vlorë.
Gjatë orëve të natës së datës 23.10.2018, këta shtetas janë kapur me sende të vjedhura në banesat e shtetasve P.Th dhe O.T, në lagjen “15 Tetori” Fier .
Po vijon puna për zbardhjen dhe dokumentimin e ngjarjeve të tjera të mëparshme në qytetin e Fierit, ku dyshohen se autorë janë këta shtetas.
Gjithashtu, këta shtetas dyshohet se kanë kryer vjedhje banesash edhe ne qytetin e Vlorës. Për dokumentimin e të cilave po punohet me Specialistët e Hetimit të Krimit në Komisariatin e Policisë Vlorë.
