Luftëtari i UFC-së, Conor McGregor, pas humbjes që pësoi përballë rusit Khabib Nurmagomedov nuk ka gjetur qetësi. Për shkak të skandaleve ai është parë shpesh në dyert e gjykatave dhe më e fundit ishte në Miami, ku i theu telefonin një fansi dhe më pas u arrestua. Ylli i “Rocky” dhe “Rambo”, Sylvester Stallone shprehu shqetësimin e tij për McGregor.
Stallone deklaroi se irlandezi po përballet me kryqëzime personale dhe profesionale, pas humbjes së tij ndaj rivalit Khabib Nurmagomedov.
“Ky është një udhëkryq në jetën e tij dhe ndoshta është më i rëndësishmi, sepse nëse nuk i përmbahet idealit të tij, nëse ai nuk mund ta kapërcejë frikën e tij dhe të mundi këtë njeri, mendoj se do ta plagosë atë për pjesën tjetër të jetës“, tha Stallone.
Sipas Stallone, McGregor duhet të “frymëzohet” nga pengesat e tij të fundit të karrierës dhe të kanalizojë gjithë zemërimin dhe zhgënjimet në punën e tij, në vend që të ankohet apo të jetë i hidhëruar.
