Futbollit italian nuk i ndahen skandalet dhe tani situata ka agravuar deri në pezullimin e kampionatit. Bëhet fjalë për Serie B e cila së fundmi është përfshirë nga skandalet e shumta ku janë përjashtuar disa ekipe. Kategoria e dytë e futbollit italian e nisi sezonin me 19 skuadra pasi Bari, Cesena dhe Avellino u përjashtuan për shkak të problemeve financiare.
Por klube si Siena, Ternan Pro Veçeli, Katania kërkuan që të këto klube të zëvendësoheshin nga ekipe të Seria C. Ka qenë klubi i Pro Veçelit ai i cili ka siguruar një vendim gjykate që çështja të rihapet dhe kjo ka çuar në një pezullim të kampionatit. Të premten pritet që të ngrihet dhe një komision i posaçëm për të shqyrtuar rihapjen e kampionatit me 22 skuadra.
