Gruaja dhe e dashura e Arsen Muskurtit që vrau vëllanë dhe kunatën, kanë kërkuar urdhër mbrojtje. 38-vjeçari Arsen Muskurti vrau më 30 gusht Alban dhe Nora Muskurtin brenda biznesit të tyre, pas konflikteve të vazhdueshme për pronat. Muskurti u la në “arrest me burg” nga Gjykata e Tiranës.
Gruaja me 6 fëmijë dhe e dashura me 1 fëmijë e Arsen Muskurtit kanë paraqitur kërkesë për urdhër mbrojtje në gjykatë. Pas krimit të rëndë, ato u strehuan në një qendër sociale, pasi kishin frikë për jetën e tyre për një hakmarrje të mundshme.
Gjykata e ka refuzuar këtë kërkesë, pasi sipas tyre, nuk ka të dhëna të mundshme për kërcënim.
Avokati i Arsen Muskurtit, deklaroi një ditë më parë se autori i krimit të rëndë në të vërtetë është vetëdorëzuar dhe jo arrestuar, siç u deklarua nga Policia e Shtetit.
Arsen Muskurti, autori i vrasjes së dyfishtë të Dritan dhe Nora Muskurtit u shfaq i qetë, dhe nuk i kurseu përshëndetjet për kamerat në nisje të seancës për masën e sigurisë.
