Lionel Messi ka shumë mundësi që të largohet nga Barcelona në verë.
Këtë e ka thënë kandidati për president i klubit katalanas Agusti Benedito, i cili ka pranuar se është “pesimist” për të ardhmen e sulmuesit argjentinas që ishte shumë afër lamtumirës verën e kaluar.
Kontrata e Pleshtit me Barçën do të skadojë në qershor dhe 33-vjeçari është i lirë të negociojë me skuadrën e tij të ardhshme që tani. Mes skuadrave në “pole position” janë Manchester City dhe PSG.
Natyrisht, është e mundur edhe që Leo të qëndrojë në Spanjë. Nëse vendos ta bëjë këtë, atëherë do të duhet të pranojë një shkurtim të rrogës për shkak të vështirësive ekonomike të katalanasve.
