Në botën e ringut ai ka qenë mjaft i suksesshëm si sportist, pasi u shpall kampion bote në Tai e Kik Boks, por edhe si trajner ka arritur të arkivojë tituj të mëdhenj. Ismail Keta ka zbuluar së fundmi një detaj mjaft interesant nga jeta e tij.
Ai është mjaft aktiv në rrjetet sociale e shpesh herë publikon foto në llogarinë e tij në Instagram. Kësaj radhe Jonny Ismail Keta na ka surprizuar, përveçse i suksesshëm në fushën e sportit me sa duket Keta paska edhe një talent të fshehur, atë të aktrimit.
“Është vetëm një rol filmi. Unë i dua fëmijët dhe njerëzit e mirë”
Është vetëm një rol aktori shprehet Ismail Keta, i cili dëshiron ta theksojë se pavarësisht natyrës së sportit ku i duhet të ndeshet dhe të jetë agresiv, apo rolit të filmit ai në të vërtetë është një natyrë e ndjeshme ndaj kauzave të ndryshme.
“….Aksion. Koha e filmit”
Kjo na lë të kuptojmë se zhanri i filmit në të cilin do të luajë Ismaili do të jetë aksion.
Ismail Keta ashtu si edhe vëllai i tij Gjetan Keta kanë ditur gjithmonë se si t’i bëjnë shqiptarët të ndihen krenarë. Arritjet e tyre dhe titujt botërorë në boks nuk i kanë ndalur ta shprehin me krenari vendlindjen e tyre.
Me siguri publikimi i filmit do të ketë një sukses për të por edhe për një fakt mjaft interesant. Ai ka një ngjashmëri me yllin kinematografik Jason Statham. Këtë gjë e vunë re menjëherë ndjekësit e tij pas publikimit të fotografisë të cilët nuk i kursyen komentet e tyre.
