Manchester City ka marrë një fitore të thellë përballë Swanses me rezultatin 5-0, duke mos u dhënë asnjë shans miqve që nga minuta e parë deri në të fundit. Ishte ndeshja e parë pasi u shpallën kampion një javë më parë para tifozëve të tyre.
City gjen menjëherë golin e avantazhit me anë të David Silva i cili pasi asistohet nga Sterling shënon nga brenda zonës. Vetëm pak minuta më pas ishte Sterling ai që dyfishoi rezultatin me një gol të lehtë pas pasimit të saktë të Delph. Aq mjaftoi për pjesën e parë ndërsa në të dytën De Bruyne trefishon rezultatin me një goditje të mrekullueshme nga distanca.
Goli i katërt erdhi pas penalltisë së humbur të Jesus, me Bernardo Silva që ndjek aksionin duke e shtyrë topin në rrjetë. Në fund ishte edhe Gabriel Jesus ai që shënoi emrin e tij në listën e golashënuesve pas disa rasteve të pastra të humbura përgjatë 90 minutave. Një ndeshje festive në Etihad, me City që nuk e uli në asnjë moment ritmin deri në fund duke i dhënë një spektakël të denjë prej kampionësh tifozëve të tyre.
