Eliona Pitarka është një nga aktoret më të përfolura të humorit. E ftuar në emisionin “Fun Day”, ajo ka rrëfyer disa sekrete nga jeta private.
Pitarka duket se e ka gjetur dashurinë e jetës, ndërsa tregon se ajo e ka transformuar atë. Aktorja u shpreh se dikur ka qenë një ‘grifshë’, ndërsa tani është bërë më romantike.
“Aq shumë gjëra janë përfolur për mua dhe aq shumë janë shpifur sa që kam vendosur që këtë pjesë ta mbaj për veten time. Ai nuk është person publik dhe nuk do që të jetë absolutisht fare prandaj e respektoj vendimin e tij. Ai është shumë i kuptueshëm. Më ka ndihmuar dhe më ndihmon, kontrollon emailet e mia të punës, është shumë mendjehapur. Sigurisht edhe bëhet xheloz sepse kam edhe epitetin e femrës seksi të Duplexit. Por ai e di kush jam unë. Ai më njeh shumë mirë. Kuptohemi me sy. Nuk kam qenë kurrë romantike por derisa zbulova dashurinë e vërtet, jam bërë shumë. Njeriun e ndryshoka dashuria. Kam qejf të më sjellë lule, çokollatë. Ku i kam dashur unë ndonjëherë këto gjëra, kam qenë grifshë. Ai më ka transformuar, më ka bërë më të ëmbël”, tha Eliona.
