Gjyqtari i Gjykatës së Lartë, Edmond Islamaj ka kaluar me sukses Vettingun. Komisioni i Pavarur i Kualifikimit ka lënë në detyrë gjyqtarin Islamaj, i cili rezulton të ketë bërë deklarim të saktë të pasurisë së tij dhe është i aftë profesionalisht.
Gjyqtari ka deklaruar se pasurinë që posedon e ka përfituar nga trashëgimia dhe e ka zhvilluar nga të ardhurat në përputhje me ligjin.
Edmond Islamaj ka drejtuar Gjykatën e Sarandës në periudhën 1993-1995 dhe Gjykatën e Kavajës në vitet 1998-2002. Ai ka mbajtur postin e kryeinspektorit të Inspektoriatit të KLD-së dhe ka qenë anëtar i saj dhe gjyqtar në Apelin e Tiranës deri në vitin 2011. Në muajin Qershor të këtij viti, Islamaj u emërua anëtar i Gjykatës së Lartë.
