Zv/kryeministrja Ledina Mandija ka reaguar lidhur me rastin e kallëzimit të administratorit të Njësisë nr.2, Elez Gjoza.
Mandija ka kërkuar nga Prokuroria që të zhvillojë një hetim të shpejtë dhe të drejtë ndaj kallëzimit të Policisë së Shtetit.
Gjoza akuzohet për regjistrimin fiktiv të rreth 70 shtetasve me të njëjtin kod banimi në banesën në pronësi të tij, me qëllim ndikimin në zgjedhjet e përgjithshme, duke u premtuar atyre vende pune në këmbim të votës.
Por, vetë administratori i Njësisë nr.2 doli në një konferencë së bashku me nënkryetarin e LSI-së, Luan Rama, ku tha se ky ishte një sulm politik i Saimir Tahirit, të cilën e quajti “ish-ministri i hashashit”.
