Kampusi i “UCLA”, Universiteti i Kalifornisë, atje ku Real Madrid po zhvillon pjesën e parë të përgatitjeve të verës është evakuuar në orën 22:00 me orën e SHBA, si pasojë e një alarmi për bombë.
Një pako e dyshimtë në kampusin universitar të Kalifornisë ka bërë që të gjithë lojtarët e Realit dhe tifozët të futeshin në panik. Por, pas kontrolleve rezultoi se kërcënimi ishte fals dhe pakoja nuk kishte të bënte me lëndë plasëse.
Autoritet amerikane kanë evakuuar vetëm tre konvikte, sipas asaj që bën të ditur zëdhënësi për shtyp i universitetit, Brian Haas. Sot pasdite, Real Madrid duhet t’i rikthehet normalisht stërvitjes sepse gjendja e alarmit u largua, sigurisht me vigjilencë maksimale.
