5 Nëntor – Thomas Woodrow Wilson zgjidhet president i SHBA-së
Fitorja e demokratit Thomas Woodrow Wilson (28 dhjetor 1856 – 3 shkurt 1924) ndaj rivalit republikan Ëilliam Hoëard Taft, e bëri atë presidentin e parë nga jugu i vendit që nga koha e Zachary Taylor më 1848-ën. Wilson udhëhoqi Shtetet e Bashkuara gjatë Luftës së Parë Botërore,
duke krijuar një politikë të jashtme aktiviste të njohur si “wilsonianism”. Ai ishte ishte një besimtar protestant i rrymës “presbiteriane”, dhe besonte në ungjëllizimin e botës. Nga ky vizion, pretendojnë historianët, lindi edhe “idealizmi ëilsionian”, sipas të cilit, Shtetet e Bashkuara duhet të ishin aktive në skenën botërore për të luftuar për demokracinë; dhe që ka qenë një pikë shpesh e diskutueshme në politikën e jashtme amerikane. Presidenti shfaqi një aftësi të madhe udhëheqëse në Konferencën e Paqes në Paris në vitin 1919, ku përkrahu krijimin e Lidhjes së Kombeve. Por ai nuk ia doli të merrte miratimin e Senatit për
anëtarësimin në këtë strukturë edhe të Shteteve të Bashkuara. Pasi pësoi një goditje celebrale në shtator 1919, baashkëshortja dhe anëtarët e stafit, u morrën me përmbushjen e shumicës së detyrave të tij presidenciale. Për mbështetjen e ngritjes së Lidhjes së Kombeve, Wilson u nderua me Çmimin Nobel për Paqe
në vitin 1919. Ai la gjurmë edhe në historinë shqiptare, me ndërhyrjen e tij të drejtpërdejtë për ruajtjen e ekzistencës së Shqipërisë, dhe mos prekjen sërish të kufijve.
5 Nëntor 1862 – 300 indianë dënohen me vdekje, për vrasjen dhe përdhunimin e kolonëve
anglezë
Në shtetin e Minesotas, më shumë se 300 indianë Sioux shpallen fajtorë për përdhunimin dhe vrasjen e dhjetëra kolonëve anglezë. Një muaj më vonë, Presidenti Abraham Lincoln firmosi për ekzekutimin e vetëm 39 prej tyre. Një nga indianët u fal në momentin e fundit, ndërsa 38 të tjerë u varën njëkohësisht më 26 dhjetor para një turme të madhe njerëzish. Indianët Sioux u gjetën fajtorë se iu bashkuan të ashtuquajturës “Kryengritja e Minesotës”. Për gati një gjysmë shekulli, kolonët anglezë pushtuan territorin e indianëve Sioux në Luginën e Minesotës. Këta të fundit u keqtrajtuan rëndë nga agjentët federalë por edhe banorët e rinj, që ishtynë deri në pragun e urisë. Indianët e zemëruar u kundërpëgjigjën, duke vrarë kolonët anglezë dhe marrë peng gratë e tyre. Përpjekjet fillestare të Ushtrisë Amerikane për të ndaluar rebelimin e luftëtarëve Sioux dështuan, dhe në një betejë në Birch Coulee, ata vranë 13 ushtarë amerikanë dhe plagosën 47 të tjerë.
Megjithatë, më 23 shtator, një rregjiment nën udhëheqjen e gjeneralit Henry H. Sibley mposhti më në fund grupin kryesor të luftëtarëve indianë, duke i detyruar të tjerët të dorëzoheshin.
5 Nëntor 1937Udhëheqësi nazist, Adolf Hitler, mban një takim të fshehtë ku shpall planet e tij për “hapësirën jetike” për popullin gjerman. Nazistët pretendonin se zgjerimi territorial për të fituar “hapësirën jetike”, është një ligj natyror për një popull të shëndetshme e të fuqishme, në rast se ai përballet me problemin e mbipopullimit. Kështu, sipas nazistëve, zgjerimi ishte i justifikuar si domosdoshmëri e pashmangshme për mirëqenien e popullit gjerman. Ideja e një populli gjerman pa hapësirën e mjaftueshme daton shumë kohë përpara, por ishte Adolf Hitleri që i dha asaj famën e keqe. 5 Nëntor 1605 – Guy Fawkes dekonspirohet dhe arrestohet, pas një përpjekje të dështuar për të hedhur në erë parlamentin britanik në atë mbeti në histori si ”Komploti i Barutit”. Që atëherë,
Anglia kremton çdo vit Ditën e Guy Fawkes.
5 Nëntor 1757 – Frederiku II i Prusisë, mposht francezët në Rosbach gjatë Luftës Shtatëvjeçare.
5 Nëntor 1872 Duke sfiduar ligjin amerikan që e ndalonte pjesëmarrjen e grave në zgjedhje, Susan B. Anthony voton për herë të parë në presidencialet e atij viti, dhe për këtë arsye gjobitet
me 100 dollarë.
5 Nëntor 1925 – Agjent sekret Sidney Reilly, i pari “super spiun” i shekullit XX-të, ekzekutohet nga OGPU, policia sekrete e Bashkimit Sovjetik.
5 Nëntor 1930 – Sinclair Lewis, është shkrimtari i parë amerikan që fiton Çmimin Nobel në Letërsi për romanin e tij “Babbit”.
5 Nëntor 1935 – Kompania “Parker Brothers” nxjerr në treg lojën e famshme “Monopoly”, të bazuar tek pasuritë e patundshme dhe kapitalizmi.
5 Nëntor 1942 – Britanikët fitojnë Betejën e Dytë të El Alameinit me Ushtrinë e Tetë Britanike të kryesuar nga Gjenerali Bernard Montgomery, kur (Korpusi i Afrikës) i komanduar nga Feldmarshalli gjerman Erëin Rommel (Dhelpra e Shkretëtirës), detyrohet të dorëzohet.
5 Nëntor 1955 – Pasi u shkatërrua gjatë Luftën e Dytë Botërore, Opera e rikonstruktuar Shtetërore e Vjenës, rihapet duke vënë në skenë operan “Fidelio” të Beethoven.
5 Nëntor 1985 – Vajza e Josif Stalin, Svetlana Peters, rrikthehet në Bashkimin Sovjetik. Shtypi vendas raporton se ajo nuk kishte patur një ditë paqeje në Shtetet e Bashkuara.
5 Nëntor 1996 – Arkeologët zbulojnë portin e lashtë të Aleksandrisë në Egjipt, që 2000 vjet më parë ishte gëlltitur nga deti, dhe përmbante edhe rrënojat e pallatit mbretëror të Kloepatrës dhe Mark Antonit.
5 Nëntor 2006 – Ish-presidenti i Irakut Saddam Hussein, dënohet me vdekje nga një gjykatë vendase, së bashku me Barzan Ibrahim alTikriti dhe Awad Hamed alBandar, për vrasjen e 148 myslimanëve shiitë në vitin 1982.
5 Nëntor 2009 –Ushtaraku amerikan, Nidal Malik Hasan, hap zjarr nga kolëgeve të tij në bazën ushtarake Fort Hood në Teksas, duke vrarë 13 persona dhe plagosur 29 të tjerë.
