25 Mars 1957 – Themelohet Tregu i Përbashkët Europian
Franca, Gjermania Perëndimore, Italia, Hollanda, Belgjika dhe Luksemburg nënshkruajnë një traktat në Romë për krijimin e Komunitetit Ekonomik Evropian (EEC), i njohur edhe si Tregu i Përbashkët. KEE, që hyri në veprim në janar të vitit 1958, ishte një hap i madh në lëvizjen e Europës drejt bashkimit ekonomik dhe politik.
Nga viti 1950, ishte e qartë se shekuj e epërsisë botërore të Europës Perëndimore kishin marrë fund. Tregjet kombëtare të Europës, të izoluara nga njëra-tjetra nga ligjet e vjetruara të tregtisë, nuk ishin në përputhje me tregun gjigant që gëzonte Shtetet e Bashkuara.
Dhe nga Europa, duke u zhvendosur në lindje, ndodhej Bashkimi Sovjetik , udhëheqësit komunistë të së cilës kontrollonin një territor të gjerë dhe burime të mëdha ekonomike, nën një sistem të vetëm. Shumë udhëheqës evropianë, i druheshin ndërkohë rifillimit të konfliktit midis antagonistëve tradicionalë europianë si Franca dhe Gjermania, gjë që do të rrudhte më tej ekonomitë europiane.
Si një mjet për të përmirësuar klimën ekonomike të Europës, dhe për të parandaluar luftën në të ardhmen, disa burrështetas me ndikim dhe teoricienë politikë, sugjeruan integrimin ekonomik. Hapi i parë i madh në këtë drejtim u ndërmor në vitin 1951, kur Franca dhe Gjermania Perëndimore formuan Komunitetin Europian të Qymyrit dhe Çelikut (ECSC), duke integruar industritë e tyre të qymyrit dhe çelikut.
Udhëheqësit francezë e propozuan organizatën, kryesisht si një mjet për të monitoruar industrinë gjermane, dhe menjëherë ranë dakord me drejtuesit e Gjermanisë Perëndimore, për të zbutur frikën nga militarizimi gjerman. Për të mbikqyrur ECSC-në, u formuan disa organe mbikombëtare, duke përfshirë një autoritet ekzekutiv, një këshill të ministrave, një asamble këshillimore, dhe një gjykatë të drejtësisë për të zgjidhur mosmarrëveshjet.
Italia dhe 3 vendet e Bashkimit Ekonomik të Beneluksit – Belgjika, Holanda dhe Luksemburgu – iu bashkuan shumë shpejt tregut të përbashkët. Ishin hedhur themelet e Bashkimit Europian. Më 25 mars 1957, përfaqësuesit e 6 vendeve evropiane nënshkruan dy traktate në Romë.
Njëri nga traktatet krijoi Komunitetin Europian të Energjisë Atomike (Euratom), për zhvillimin e përbashkët dhe paqësor të burimeve bërthamore. Tjetri krijoi EEC. Në Tregun e Përbashkët, pengesat tregtare midis vendeve anëtare u eliminuan gradualisht, ndërsa u zbatuan politikat e përbashkëta në lidhje me transportin, bujqësinë dhe marrëdhëniet ekonomike me vendet joanëtare.
Puna dhe kapitali, u lejuan të lëviznin lirisht brenda kufijve të komunitetit. EEC, the ECSC dhe Euratom, drejtoheshin nga një këshill i vetëm i ministrave, kuvend përfaqësues dhe gjykate të drejtësisë. Në vitin 1967, të tre organizatat u bashkuan plotësisht si Komuniteti Europian (KE). Britania dhe vendet e tjera evropiane, ngurruan fillimisht t’i bashkoheshin tregut të përbashkët, dhe krijuan një alternativë më të vogël të Shoqatës Evropiane të Tregtisë së Lirë (EFTA) në vitin 1960.
Megjithatë në fillim të viteve 1960, tregjet e Tregut të Përbashkët treguan shenja të një rritjeje të konsiderueshme ekonomike, dhe Britania ndryshoi mendje. Por për shkak të lidhjeve të ngushta me Shtetet e Bashkuara, presidenti francez Charles de Gaulle vuri 2 herë veton kundër pranimit të Londrës, dhe Britania nuk iu bashkua dot KE-së deri në janarin e vitit 1973, kur Irlanda dhe Danimarka u bënë gjithashtu anëtare të KE.
Greqia u bashkua më 1981, Portugalia dhe Spanja më 1986-ën, dhe ish-Gjermania Lindore si pjesë e Gjermanisë së ribashkuar në vitin 1990. Në fillim të viteve 1990, Komuniteti Europian u bë baza për Bashkimin Evropian, që u themelua në vitin 1993 pas ratifikimit të Traktatit të Mastrihtit.
Traktati, bënte thirrje për një parlament të forcuar evropian, krijimin e një banke qendrore evropiane të monedhës së përbashkët, dhe një politikë të përbashkët mbrojtëse. Përveç një tregu të përbashkët evropian, shtetet anëtare do të merrnin gjithashtu pjesë në një treg të madh të përbashkët, të quajtur Zona Ekonomike Evropiane.
24 Mars 1975 – Mbreti i Arabisë Saudite vritet nga nipi i tij
Mbreti Faizal i Arabinë Saudite , qëllohet për vdekje nga nipi i tij, princi Faizal. Mbreti Faizal, i biri i Mbretit Ibn Saud, u angazhua në fushatat ushtarake të viteve 1920-1930, që ndihmuan në krijimin e Arabisë Saudite moderne. Ai shërbeu më vonë si ambasador saudit në Kombet e Bashkuara, dhe më 1953 u bë kryeministër, ndërsa i vëllai u ngjit në fron.
Në vitin 1964, Mbretit Saud iu bë presion të abdikojë, dhe Faizal u bë sundues absolut i Arabisë Saudite. Si mbret, ai synoi modernizimin e kombit të tij, dhe i dha mbështetje të madhe financiare dhe morale përpjekjeve anti-izraelite në Lindjen e Mesme. Pas vrasjes së tij në fron u ngjit djali i tij, Princi i Kurorës Khalid.
24 Mars 1802 –Franca dhe Mbretëria e Bashkuar nënshkruajnë Traktatin e Amiensit, si një “Traktat Përfundimtar i Paqes” ndërmjet dy vendeve.
24 Mars 1807 – Akti i Tregtisë së skllevërve bëhet ligj, duke shfuqizuar kësisoj tregtinë e skllevërve në Perandorinë Britanike .
24 Mars 1900 – Në Indianapolis, shteti i Indianas, formohet Partia Socialiste e SHBA-së.
24 Mars 1937 – Italia dhe Jugosllavia nënshkruajnë Paktin e Beogradit. Më 1941, Jugosllavia i bashkohet fuqive të Aksit me nënshkrimin e Paktit Tri Palësh.
24 Mars 1949 –Në Estoni, Letoni dhe Lituani, nis fushata e gjerë e dëbimeve për të imponuar kolektivizimin me anë të terrorit. Autoritetet sovjetike dëbuan më shumë se 92.000 njerëz të quajtur kulakë, të cilët u zhvendosën nga Balltiku për në zonat e largëta të Bashkimit Sovjetik.
24 Mars 1969 – Gjatë muajit të mjaltit, këngëtari i mirë njohur John Lennon dhe bashkëshortja e tij Yoko Ono, zhvillojnë protestën e tyre të parë nga shtrati për paqe në botën, në hotelin Amsterdam Hilton, e cila zgjati deri më 31 mars.
24 Mars 1988 – Demonstrata e Qirinjve në Bratislavë, është demonstrimi i parë masiv i viteve 1980 kundër regjimit komunist në Çekosllovaki .
24 Mars 2006 – Masakra e Capitol Hill në SHBA:Një person i armatosur vret gjashtë veta para se të vetëvritet shumë prangë godinës së Kongresit Amerikan.
