Ish-futbollisti i Milanit, Rikardo Kaka, ka bërë një deklaratë të befasishme, ku tregoi për ”Spport Bild”, se si ishte pranë kalimit te Bajerni në vitin 2002.
Mesfushori që shkëlqeu me kuqezinjtë në Itali mund të kishte përfunduar në Mynih nëse nuk do të kishte qenë për ish-presidentin e Bajernit, Uli Hënes.
“Bajerni ishte një pikë kthese e rëndësishme në karrierën time. Kur isha me kombëtaren e Brazil U-21 në Katar fola me drejtuesit e Bajernit. Kisha bërë përgatitjet e duhura, madje kisha provuar dhe veshjet tradicionale bavareze. Kur erdhi momenti për të fluturuar nga Brazili në Mynih, gjithçka mbeti pezull.
Bajerni nuk bëri kurrë një ofertë konkrete te Sao Paolo. Bisedimet me skuadrën gjermane mbetën përgjysmë dhe gjithçka u sfumua në shumë pak kohë. Gjithsesi, nuk më vjen aspak keq që zgjodha Milanin, pasi aty fitova shumë trofe duke përjetuar momente të paharrueshme, edhe pse të luaja për bavarezët, do të kishte qenë me të vërtetë diçka e veçantë”, tha braziliani Kaka.
Me Kakanë, Bajerni do të kishte qenë akoma më e fortë, edhe pse në atë kohë skuadra ishte në nivele të larta, ashtu si dhe tani ku po dominojnë Bundesligën prej 9 sezonesh dhe fituar tripletën 2 herë në 10 vitet e fundit.
