Policia shqiptare ka marrë masa të rrepta sigurie në pikën kufitare të Kakavijës, pasi priten të hyjnë mijëra grekë, për të marrë pjesë në varrimin e Kacifas. Deri tani kanë hyrë nga pika doganore e Kakavijës 670 shtetas të huaj, ndërsa po kontrollohen imtësisht nga policia shqiptare, duke u hequr dhe xhupat.
Sikundër u njoftua më herët në media, personat që kishin bluza ku shkruhej “Vorio-Epir”, apo bëheshin thirrje antikombëtare, janë kthyer nga uniformat blu.
https://tiranatoday.com/i-katsifas-ndalohet-ne-kufi-nje-furgon-ishin-veshur-me-bluza-te-zeza-ku-shkruhej-vorio-epir-greket-vijne-pa-zbardhur-dita/
Bilanci
Aktualisht janë ndaluar 10 persona të hyjnë në tokën shqiptare, pasi mund të sjellin trazira.
Ndërkohë që janë ngritur dhe postblloqe nga policia shqiptare në afërsi të Kakavijës. Për garantimin e sigurisë kanë mbërritur edhe efektivë nga Tirana.
