Gjatë natës, Policia e Shtetit ka liruar 12 ekstremistët që kishin ardhur për ceremoninë mortore të Konstantin Kacifas. Duke iu referuar uniformave blu, këta shtetas kanë shfrytëzuar ceremoninë për qëllime propagandistike ekstremiste.
Sot ata janë liruar, përfshirë edhe kreun e grupit të tyre, Babis Karathano, Kryetar i Asociacionit Qendror të Epirit të Veriut, por do të hetohen në gjendje të lirë. Të gjithë akuzohen për “nxitje të urrejtjes”. Mbi Karathanon rëndon edhe vepra e “kalimit të paligjshëm të kufirit”.
Njoftimi
“Janë lënë të lirë në orët e para të mëngjesit, 12 personat e shoqëruar mbrëmjen e djeshme në Policinë e Gjirokastrës. Ata janë lënë të lirë në orën 01:30, duke u proceduar penalisht në gjendje të lirë.
Mbi Babis Karathano rëndon vepra penale e “kalim të paligjshëm të kufirit”, ndërsa për 11 të tjerët “nxitje të urrejtjes” dhe “organizime të paligjshme të tubimeve masive”. Shkak u bënë deklaratat antishqiptare të një dite më parë në ceremoninë e varrosjes se Kacifasit në Bularat.
