Kaçe largohet nga PAOK-u, qëndron sërish në Greqi

Ergys Kaçe më në fund ka finalizuar me sukses largimin nga klubi i PAOK-ut. Mesfushori i kombëtares shqiptare do të vazhdojë karrierën e tij në Greqi, por tani jo më në Selanik ku nuk kishte hapësirë për të luajtur. Kaçe i është bashkuar ekipit të Panathinaikosit, të Athinës në formë huazimi për 6 muaj dhe me opsion blerje në fund të sezonit.

Vetë Panathinaikosi, por edhe klubi që zotëron kartonin e mesfushorit shqiptar, PAOK, e bëjnë të kryer faktin që Kaçe do vazhdojë tek klubi jeshil. Të martë Ergys Kaçe kishte udhëtuar drejt Qipros, për tu bashkuar me APOEL-in, por marrëveshja dështoi pasi tifozët dolën kundër lojtarit, për një foto që korçari kishte publikuar disa vite më parë me bluzën e UCK-së.