Zbulohen detaje të reja lidhur me vrasjen e Lirie Lamit. Pas burgosjes së nuses Marjana Çmeta, zbardhet rrëfimi që kjo e fundit ka bërë te hoxha Hysen Shehu.
Marrëdhënia jo e mirë që kishte me Lirien, mamanë e bashkëshortit të saj, aso kohe 47-vjeçe që mendonte se ishte pikërisht ajo shkaktarja që martesa e saj nuk po shkonte mirë, kishte bërë që të thurte një plan që as regjisori më i famshëm nuk do ta kishte menduar.
Gazeta Shqiptare ka siguruar ekskluzivisht bisedën që ajo ka kryer me hoxhën, ku i ka rrëfyer se si ndodhi atë ditë, ndërsa lutej që ajo të vdiste dhe të mos merrej vesh e vërteta.
Gjithashtu, në këto biseda, e reja ka treguar se si e joshi ta pinte lëngun me fostoksinë.
REGJISTIMI
Biseda mes Hysen Shehut dhe Marjana Çmeta është e regjistruar me audio dhe video. Nga trasnkiptimi i bisedës del se Marjana Cmeta i ka pohuar Hysen Shehut se kishte vrarë ajo viktimën Lirije Lami në banesë.
….
Marjana: E kam pas fut ca minj te bufeja
Marjana: …Edhe thojsha që kjo është mënyra domethënë, që të kujtojnë njerëzit që kjo e ka vrarë veten
Hyseni: Kjo ka helmuar veten
Marjana: Po
….
Marjana: Edhe vjen atë ditë e i them që kam një ilaç që na shëron nga të këqijat
Hyseni: Po
Mrjana: Edhe kjo më thotë mua po thotë… a kupto ma jep, po i thashë ka një erë të keqe i thashë unë, nuk besoj ta durosh, nuk ka problem dhe unë ja mbush kshu…
….
Marjana: Edhe pastaj nuk e di kur… Kur filloj tu u bo keq e më keq…. nëjse
Hyseni: U ndjeve keq…
Marjana: Edhe po pastaj nuk fillova tu u ndje keq se foli ëëë… duke bo ca shikime ke parasysh kshu, edhe foli me vete, ishte e pavetëdijshme a nuk e di unë… i iknin sytë e mendonte se aty po i ikte shpirti mos ashtu e ja boni. “Çfarë të bëj unë, ku të shkoj unë” a kupto i lëvizte sytë në mënyrë shumë të frikshme —mu aty mu fut frika mos thashë jan, mos dun me e shpëtu ato…
….
Marjana: Edhe pastaj shkoj te dhoma e gjumit e imja, pashë atë nusen e xhajës që po vinte po sillte lopët, thashë ta mbys tashi direkt nuk kishe me prit më me bo punë ilaçi, nuk e di marr një shall….
…
Marjana: Jena përplas derisa nuk e di unë, nuk… nuk po më… e kisha harru domethënë sepse po mendoja që të të paktën kur ta vras të mbaroj kjo gjë…a kupto që … që ta dish që po bën diçka ashtu po në ato momente nuk e dija ngaqë kam qenë në tension a kupto, që sepse ajo bërtiste hapte dritaren e ktë…edhe thashë në ato momente unë po thoja që tashi erdhi fundi do e marrin vesh të gjtihë që e vrava atë… Kjo a kupto atë nuk po e vrisja dot domethënë a kupto, derisa erdhi një moment domethënë unë nuk e di…
Marjana: Shalli nuk bono gjo kupto, se ajo u mundu me e embajt me dorë, i vuna durët.
Marjana: I Iku fytyra domethënë e kshu ashtu po kur e lëshojsha durët prapë… thosha o zot… ishte duke më ik truni…
…
Marjana: Edhe e marr pastaj domethënë e çoj te dhoma e gjumit, e marr…
…
Marjana: Se vuni durët ajo nuk u myt ajo po bërtiste… unë bëjsha që mos ta dëgjonte kush a kupto… edhe isha lodh unë jam nxi nga trupi jam copëtu dhe unë këtu
…
Hyseni: Ëhë, pastaj dha shpirt?
Mariana: Nuk e di nuk isha e sigurt, a kupto se unë kur e lëvizja, e ajo prapë…
Marjana: Edhe shkoj pastaj xhaxhi e i them që mami është smur, shkoj me vrap a kupto, edhe kthehen e marrin kto thon ka maru e kështu, kur e ngrejti kjo nusja e xhaxhit ka pas frymë, mu atu thash mori fund edhe sa shkojshim rrugës në spital thonin këto o ka mbaru, mu po më shkonte truni bobo kjo është gjallë a kupton, do merret gjithçka e vërteta vesh.
…
Ndërsa gjatë përgjimit ambjental të kryer Oltjan Lami, rezulton se hoxha Hysen Shehu mes të tjerave i thotë Oltjanit se regjistrimin e mësipërm ai ia ka treguar edhe të atit të tij, Agim Lami, i cili ishte shoqëruar edhe nga një person tjetër që ai e thërriste “Këpucari Beni”.
Hyseni: Le t’i djegi. Çfar kam tregu, s’kam tregu asgjë. Aq sa di ti, as shumë e as pak. Atë e di unë, i fut një dilit. Pse do kisha belanë unë. Unë dhe babi jot kur e pa shkon dhe e quan fakt të kry atje.
Oltjani: Pse e ka pa babi, e ka pa videon krejt?
Hyseni: Po.
Oltjani: Me kë ka qenë?
Hyseni: Ka qenë më këpucarin, me Benin, kupton?
Oltjani: Po.
