Juventusi këtë merkato vere është forcuar shumë si skuadër, pasi ka afruar një gjigant të futbollit si Cristiano Ronaldo. Por duket se asgjë nuk mbaron këtu, pasi në planet e familjes Agnelli është që të sjellë në Torino edhe Zinedine Zidane. Ata shpresojnë që sezonin e ardhshëm francezi të pranojë të bëhet trajner i bardhezinjve.
Sipas gazetës franceze El Pais, trajneri i njohur francez që bëri emër si futbollist pikërisht te Juve mund të rikthehet në Itali. Massimiliano Allegri ka katër sezone që drejton Juventusin dhe ka fituar trofe vetëm në Itali, ndërsa në Europë ka dështuar edhe pse preku dy herë finalen e Champions League.
Nëse Allegri nuk do të arrij të fitojë Champions Leaguenm këtë sezon, duke pasur një kontingjent lojtarësh mjaft të fortë, si në fushë edhe në stol, atëherë në fund të sezonit ai do duhet të largohet.
Drejtuesit e “Zonjës së Vjetër” ëndërrojnë që të kenë në pankinë Zidane, i cili është larguar nga Real Madridi në këtë verë pasi fitoi tre tituj Champions League. Francezi është i pa punë dhe kohët e fundit ka qenë i lidhur edhe me Manchester Unitedin si zëvendësues i Jose Mourinhos. Zidane ka luajtur te Juventusi në vitet 1996 deri më 2001.
