Prej kohësh Juventus është në kërkim të një mesfushori. Pas ofertës së bardhezinjve për holandezin e Romës Kevin Strootman, ku kryeqytetasit nuk e konsideruar të arsyeshme transferimin, Juventusi hodhi grepat diku tjetër.
Bardhezinjtë kanë kompletuar kalimin e francezit Blaise Matuidi nga Paris SG. Gazetari italian Di Marzio, ka dhënë të gjitha detajet e marrëveshjes që do të sjellë 30-vjeçarin në Torino: “Tani gjithçka është gati, Blaise Matuidi është i gatshëm për t’u bërë një lojtar i ri i Juventusit me një marrëveshje të plotë midis palëve. Mesfushori pritet këtë pasdite të kryejë testet mjekësore dhe nesër prezantimin me klubin Juventusit.”
“Juventus është bërë për Matuidi,” përfundon gazetari i Sky.
Kujtojmë që kampionët e Italisë tentuan edhe vitin e shkuar të transferonin francezin që në atë kohë nuk u lejua nga Paris SG.
