Juventusi mund t’i thotë lamtumirë simbolit të projektit të viteve të fundit: Kristiano Ronaldo, protagonist i keq në ndeshjen e mbrëmshme ndaj Milanit.
Humbja e Juventusit në shtëpi ndaj Milanit bëri që klubi bardhezi dhe lojtarët të rishikojnë seriozisht të ardhmen. Një 0-3 i qartë, i cili e çoi skuadrën e Andrea Pirlos në vendin e pestë në renditje dhe aktualisht jashtë Ligës së Kampionëve. Ajo që është shqetësuese është performanca, duke qenë se goditja e parë drejt portës u pa disa minuta nga fundi. Kristiano Ronaldo, njeriu-simbol i projektit Juve, ishte një fantazmë në fushë.
Sipas ‘Gazzetta dello Sport’, në dy vitet e mëparshme me Masimiliano Alegrin dhe Mauricio Sarrin, Kristiano Ronaldo ishte individualisht i pakritikueshëm, nuk e “shaje” dot. Gjithmonë më i miri kur shkelte fushën në ndeshjet kyçe. Megjithatë, këtë sezon gjërat kanë ndryshuar. Testi i parë u pa me Porton dhe dje me Milanin. Dhe CR7 nuk është tipi që pranon mediokritetin, dhe imagjinata se ai mund të qëndrojë tek Juventusi vitin e ardhshëm duket shumë e vështirë. Disa senatorë duket se kanë zgjedhur tashmë të largohen për të favorizuar revolucionin e Juventusit, të tillë si Xhixhi Bufon apo Xhiorxhio Kielini.
