Juventusi ka arritur sot të finalizojë lëvizjen më të bujshme në merkato, që nuk ndodhte prej shumë vitesh. Cristiano Ronaldo i bashkohet Juventusit dhe ky është transferimi i shekullit. Por sikur të mos mjaftonte kjo, Juventusi duket se dëshiron të rrëmbejë edhe një galaktik tjetër.
Sipas asaj që raportohet nga “Premiumsport”, Beppe Marotta nuk do të ndalet këtu dhe do të kërkojë një tjetër transferim të madh nga Reali i Madridit. Këtë herë bëhet fjalë për tjetër futbollist kryesorë që ka në përbërje Reali, Marcelon.
Kjo nuk mund të jetë e pamundur, pasi thashethemet për Ronaldon u finalizuan me sukses ditën e sotme dhe duke parë marrëdhënia e ngushtë mes portugezit dhe brazilianit gjithçka mund të ndodhë.
Por deri tani nuk ka asgjë zyrtare dhe pritet që të ketë konfirmime të tjera në vazhdim, e vërteta është se Juventusi po kthehet në një ekip të frikshëm. Juventusi duhet të mbyll fillimisht çështjen e Aleks Sandro, pasi mbrojtësi brazilian nuk është në planet e klubit.
