Ferreira Carrasco është padyshim një lojtarët më të mirë që ka Atletico Madrid në përbërje. Arsenal është duke këmbëngulur që të nënshkruaj me futbollistin belg, por vështirë se ‘Los Cochoneros” të largojnë yllin e tyre në këtë fazë të sezonit. Kësaj gare i është bashkuar edhe Juventusi së fundmi raporton “Sky Sport”. 24-vjeçari ka shënuar katër herë dhe ka asistuar pesë herë në 25 paraqitjet e fundit.
Carrasco cilësohet si një ndër sulmuesit më të mirë në Evropë dhe ka një klauzolë lirimi prej 100 milionë eurosh të përfshirë në kontratën e tij. Juve, megjithatë, nuk është i hapur për të shpenzuar kaq shumë. Sipas gazetarit italian sportiv Mario Giunta “Zonja e Vjetër”, sapo ka kontaktuar me gjigantët e La Liga-s për të njohur disponueshmërinë e transferimit të lojtarit. Bardhezinjtë janë të dëshpëruar për të nënshkruar me një sulmues të ri, pasi Juan Cuadrado mund të qëndrojë jashtë fushave për 2-3 muaj pas një dëmtimi në ijë. Nëse kolumbiani do t’i nënshtrohet një operacioni të hënën, Juventusi mund ta humbasë atë deri në prill/maj.