Juventus ka shpërdoruar një avantazh mjaft të mirë në përballjen e 1/8 së Champions League, ku në 10’ minuta ishte në avantazhin 2-0 por që përfundoi 2-2. Mediat italiane kanë gjetur “fajtorin” dhe kanë kryqëzuar mesfushorin bardhezi i cili la fushën në pjesën e dytë pas një dëmtimi.
“Juve ka falur një ndeshje, që në fakt ishte e fituar. Skuadra e Allegri-t pësoi një tronditje psikologjike dhe fizike, që është e pashpjegueshme,” shkruan Gazzetta dello Sport pas barazimit 2-2 të “Zonjës së Vjetër” ndaj Tottenham Hotspur.
Të gjithë me në krye kampionin e botës Sami Khedira-n u kritikuan nga media sportive. “Ai (Khedira) ishte më i keqi në fushë dhe u vinte nga pas mesfushorëve kundërshtarë,” shkruan Gazzetta dello Sport.
“Shumë i turbullt dhe pa ide,” e përshkruan La Stampa mesfushorin gjerman, i cili pas një ore lojë është zëvendësuar për shkak të një problemi muskulor. Një nga pikat më të dobëta të Juve-s, i cili tani pritet të mungojë edhe në ndeshjen e kthimit.
