Qëndrimi i Paulo Dibalës tek Juventusi ka qenë i pasigurtë gjatë gjithë sezonit, me kontratën që i skadon më 30 qershor 2022. Siç raportohet nga ‘La Stampa’, Juventusi, tashmë me sigurinë e pjesmarrjes në Champions League-n e ardhshme ka vendosur të rihapë negociatat për rinovimin e kontratës me ‘Joya-n’. Kontaktet me agjentin e Dibalës kishin ngrirë prej disa muajsh, por tani pika e kthesës mund të ketë ardhur.
Por janë edhe pasiguritë për të ardhmen e Kristiano Ronaldos, që vetëm përforcojnë idenë se argjentinasi mund të qëndrojë në Torino për një kohë të gjatë. Gjithashtu dje kundër Bolonjës, numri ’10’ ishte më i miri i bardhezinjve në fushë, duke dhënë asiste dhe pasime të shkëlqyera me bollëk. Për më tepër, mungesa e CR7-ës në fushë përkoi me një nga paraqitjet më të mira sezonale të Dibalës dhe kjo mund të mos jetë rastësi. Lajmi i ditës, megjithatë, është se Juventusi mund të shpejtojë negociatat për të arritur një marrëveshje me agjentin e lojtarit duke zgjatur bashkëpunimin m e Argjentinasin.
