Ai cilësohet si arkitekti i këtij Juventusi të fortë, që mund të konkurrojë në të gjitha kompeticionet. Pas fitores me Napolin, Giuseppe Marotta, lajmëroi zyrtarisht se ai do të largohej nga bardhezinjtë edhe pse mandati i tij i skadon me 25 tetor të këtij viti.
Ai u shpall drejtori sportiv i vitit, pasi realizoi operacionin më të madh të merkatos së verës duke sjellë në Torino, Cristiano Ronaldon, që u realizuar në bashkëpunim me Fabio Paratici. Ky i fundit cilësohet si një ndër zbulimet më të mira të Marottas dhe pritet që të jetë pikërisht ai njeriu që Agnelli do ti besojë në të ardhmen. E ardhmja e Marotta është akoma në pikëpyetje por fillimisht u aludua për të marrë postin e kreut të Federatës Italiane të Futbollit.
Gjithsesi, mediat në Itali kanë bërë një analizë më të thellë dhe mendohet se e Marotta mund të bëjë një lëvizje të bujshme drejt Inter, rivalit të Juventus por gjithçka mbetet në titujt e mediave dhe akoma s’ka ndonjë zhvillim konkret.
Ndryshim ambienti mund të parashikohet edhe për Paratici, edhe pse atij i është dhënë votë besimi. Për të ka një sërë klubesh nga Premier League që janë të interesuar, që nga Tottenham e deri te Manchester United, por më herët në derën e tij kanë trokitur edhe klube si PSG, Barcelona dhe Milan.
