Juventus kthehet tek fitoret në kampionat, pasi në dy ndeshjet e fundit barazoi me Atalantën dhe u mund nga Lacio në shtëpi. Por Juventus me fitoren e sotme edhe pse me 10 lojtarë për më shumë se 60’ minuta, konfirmohet si ekip pretendent për kampionat.
Bardhezinjtë e panë veten në avantazh që në minutën e 8’, por një autogol i çuditshëm i mbrojtësit të Udineses, Samir, solli baraspeshën.
Më pas ishte radha e Khedirës që t’i japë avantazhin skuadrës së tij, ndërsa Mandzukiç u ndëshkua me karton të kuq, pas protestave të shumta dhe la bardhezinjtë me 10 vetë, kur kishin mbetur edhe 65’ minuta për t’u luajtur. Me fillimin e pjesës së dytë, Udinese barazoi shifrat, por më pas skuadra e Allegrit rigjeti avantazhin me Ruganin.
Sami Khedira do të shndërrohej në heroin e mbrëmjes, duke shënuar edhe dy gola të tjerë në 30’ minutat e fundit dhe sigluar tregolëshin e parë të karrierës së tij. Goditjen e fundit Udineses ia dha boshnjaku Pjaniç, që shënoi në minutën e parë shtesë dhe vulosi fitoren 2-6.
https://www.youtube.com/watch?v=lsm5TDuAf5A&ab_channel=PremiumSintesi2
Pas kësaj jave, Juventus vijon të jetë në vendin e 3-të, me 22 pikë, një më pak se Interi dhe 3 më pak se Napoli kryesues.
