Nuk ka fitues në “Juve Stadio”, ku Valverde ka testuar ekipin e tij pa yllin argjentinas Leo Messi. Juventusi ka dominuar pjesën më të madhe të takimit por nuk ka arritur më shumë se një barazim. Sulmet e shumta të Higuain, Dybala dhe Cuardado nuk kanë arritur të mposhtin mbrojtjen e katalanasve dhe të dërgojnë topin në rrjetë. Nga ana tjetër Barcelona dukej se ishte e kënaqur edhe me një barazim në këtë sfidë, që do ti mundësonte vendin e parë në grup.
Atl.Madrid 2-0 Roma
Një fitore mjaft e bukur e “los colchoneros”, që u jep mundësinë të futen edhe njëherë në garë për të vazhduar më tej në Champions League duke shpresuar tek një mrekulli e Qarabagut në ndeshje e fundit. Në këtë grup më komod është Chelsea i cili ka marrë vendin e parë, por gjithçka mbetet e hapur deri në sfidën e fundit.
PSG 7-1 Celtic
Yjet e Parisit kanë shkatërruar me një rezultat mjaftë të thellë Celtic. Ishin pikërisht miqtë që shënuan që në minutën e parë me Dembele, por më pas erdhi një rrebesh golash nga parisienët. Vlen të përmendet paraqitja që ka bërë Neymar në këtë sfidë, duke dhuruar gola, asist dhe një “show” të vërtetë në fushën e lojës. Cavani dhe Mbappe gjetën rrugën e rrjetës gjithashtu, për tu plotësuar nga Verrati dhe Dani Alvesh i cili shënoi një gol mjaft të bukur nga jashtë zone.
Basel 1-0 Manchester United
Ka qenë një ndeshje e madhe në Zvicër për Baselin, të cilët arritën t’ia dalin dhe të mposhtin yjet e Mourinhios. Ishte ky i vetmi rezultat që i mbante në lojë helvetët për të vazhduar përtej fazës së grupeve. Xhaka me shokë kanë bërë një rezistencë mjaft të madhe në 90’ minuta dhe pikërisht në fundin e takimit arritën të zhbllokojnë rezultatin më Lang, ë minutën e 89’.
Anderlecht 1-2 Bayer Munich
Pas një pjese të parë të balancuar, bavarezët hidhen në sulm në të dytën duke gjetur golin që në fillim të pjesës së dytë me anë të polakut Lewnadowski. Por golit të tij iu përgjigj shumë shpejt kapiteni i belgëve, Hanni. Pas një paraqitje mjaft të mirë në mesfushë, i riu francez Tolisso u shpërblye edhe me një gol mjaft të bukur me kokë që i dha fitoren bavarezëve. Anderlecht pozicionohet ë fundin e grupit me 0 pikë, ndërsa Bayern mbanë vendin e dytë pas PSG.
Sporting 3-1 Olympioacos
Një paraqitje mjaft emirë e portugezëve në këtë sfidë të fituar me plot meritë dhe i afrohen Juventusit duke e mbajtur në presion vendin e dytë ë grup deri në ndeshjen e fundit. Një dygolësh i Bas Dost dhe një gol i Bruno Cesar i kanë mjaftuar Sportingut për të mposhtur grekët në këtë sfidë.
