Aktori Julian Deda ka qenë i ftuar në puntatën e parë të sezonit të tretë të “Piter Pan”, ku u vendos përballë pyetjeve të vogëlushëve. Një prej fëmijëve e pyeti Julin se cila ishte arsyeja që pas disa vitesh, u pajtua me mikun e tij të vjetër, Gentin.
Ai ka thënë se tashmë gjërat janë si më parë, kur ata ishin shokë të ngushtë. Juli ka treguar se hatërmbetjet i kanë hedhur pas krahëve, për hir të një miqësie e të dashamirësisë me njëri-tjetrin.
“U pajtuam sepse janë disa gjëra që duhet t’i hedhim pas krahëve, për hir të një miqësie, të punës, të dashamirësisë me njëri-tjetrin. Ky është një shembull që duhet ta keni dhe ju në jetë, se është kohë e humbur të mos flasësh me shokun”, u shpreh Juli.
