Jozefina Topalli ka rrëfyer në një intervistë jetën e saj me momentet më të bukura, por edhe ato më të vështirat.
Teksa ka folur për InTV, Topalli ka treguar një moment të vështirë të jetës saj, ditën kur ajo humbi të atin.
Deputetja demokrate ndodhej në maternitet, ku solli në jetë vajzën e saj, ndërsa tregon se si në ato çaste, para maternitetit kaloi arkivoli me të atin e ndjerë.
“Unë prisja që do lindte Megi, ndërkohë babai im ishte i sëmurë. Vdiq babai, pritej të bëhej varrimi, ndërkohë që Megi do të lindte në këtë botë. Sigurisht, ka qenë një përzierje e ndjenjave të fuqishme, një gëzim i lindjes së fëmijës. Kujtoj kur më kanë sjellë Megin te koka dhe unë kam zgjat kryet për ta pa. Ndërkohë, ishte tamam momenti kur makina me arkivolin e babait kalonte tamam përpara spitalit ku unë isha e shtruar, tamam në atë orë. Është bërë varrimi dhe kanë shku në shpi dhe i kanë thënë nënës time që unë kam lind vajzë. Dhe ajo shumë e fortë, ka thënë që tani do qesim kafen për gëzimin që na ka ardh në shpi. Kështu është jeta…”
Gjithashtu, pas 20 viteve pjesë e politikës, Topalli veçon dy emra: Sali Berishën dhe Arenca Trashanin, me të cilët ka një miqësi të veçantë.
