Boksieri britanik Anthony Joshua ka mbrojtur tituj kampionë bote në kategoritë IBF dhe WBA në peshat e rënda, pas fitores me “KO teknik” në raundin e 10-të ndaj Carlos Takam, sfidë e zhvilluar në Kardif, në prani të 80 mijë shikuesve, të gjithë fansa të kampionit të botës. Ky është suksesi i 20-të i britanikut në po kaq sifda të zhvilluara, duke qëndruar i pamposhtur në ring. Joshua ka fituar ashtu sikurse edhe parashikohej edhe pse dueloi ndaj një rivali të panjohur për të dhe publikun, me Takam që zuri vendin e bullgarit Kubrat Pulev, i dëmtuar gjatë stërvitjes tri javë më parë. Takam konfirmoi se është i fortë fizikisht dhe rezistoi 10 raunde, kur gjyqtari vendosi të ndalë sfidën. Joshua rikthehej në ring 6 muaj pas fitores epike ndaj Wladimir Klitschko.
https://www.youtube.com/watch?v=n8PwBxpdQW8&ab_channel=UltimateMBS
Joshua fitoi ndeshjen në raundin e dhjetë në saje të një nokauti teknik, ku gjyqtari ndërpreu ndeshjen pas sulmeve të mëdha të britanikut. Pas mbrojtjes së dy titujve dhe fitores ndaj Takamit, Joshua u shpreh i kënaqur, por njëkohësisht tha fjalë të mëdha për kundërshtarin e tij. 27-vjeçari anglez ka shprehur respekt për kundërshtarin e tij 36-vjeçar edhe në postimin e bërë në rrjetet sociale pas ndeshjeve.
“Respekt për Takamin. Pozitive për vitin 2018”, ka shkruar Joshua në profilin e tij privat në Facebook.
