Anthony Joshua do të përballet të shtunën në Cardiff me Carlos Takam, një përballje që do të ketë një numër të madh shikuesish. Mendohet se boksieri do të pritet nga 80 mijë veta në Skoci. Ky interes i madh nga njerëzit për ta ndjekur nga afër kampionin e WBA, e ka bërë që ai të planifikoj edhe tre sfida të tjera për vitin 2018. Këto sfida ai dëshiron që të organizohen në stadium dhe janë pikasur “Emirates stadium” në Londër dhe dy stadiumet e Manchesterit, “Old Trafford” dhe “Etihad Stadium”.
“E di që ka shumë njerëz, duke përfshirë dhe fëmijë, që duan të më shohin nga afër. Do të doja të ndeshesha në arenën ‘O2’ në Londër, por atje nuk do të kenë shumë mundësi të më shohin në ring. Stadiumet e mëdha janë një mundësi më e mirë. Është mirë për boksin dhe për tifozët, pasi kërkesa është e lartë”, tha boksieri britanik.
Anthony Joshua do të ketë sfidën e dytë në ring këtë vit, pas përballjes spektakolare ndaj Wladimir Klitschkos në stadiumin “Wembley”, në muajin prill.
