Komisioneri për zgjerim i BE-së, Johannes Hahn do të takohet me një grup të lëvizjes Vetëvendosje.
Në faqen zyrtare të komisionit Hahn, sot në mëngjes shkruhej se në orën 11:45, ai pret një grup të deputeteve të Parlamentit të Kosovës, ndonëse Parlamenti i Kosovës është shpërbërë muaj më parë dhe ende nuk është konsistuar parlamenti i ri. Mësohet se Hahn ka vendosur të presë Albin Kurtin, Visar Ymerin dhe Shpend Ahmetin. Ky i fundit është kryetar i komunës së Prishtinës dhe zyrtarisht ka deklaruar se nuk do ta mbajë mandatin e deputetit.
Këta deputetë nuk janë betuar akoma, gjithashtu dhe rezultatet zgjedhore nuk janë certifikuar akoma.
Lidershipi kosovar nuk ka edhe aq raporte të mira me Johannes Hahn për shkak të marrëdhënieve të veçanta të tij me Serbinë.
